Melania Trump është diskutuar shpesh në rrjete sociale për veshjet e saj. Përgjatë muajit qershor ajo u përfol gjatë në media për xhaketën, në të cilën shkruhej: “Nuk më intereson në të vërtetë”. Së fundmi ajo është kthyer sërish në objekt diskutimi për shkak të zgjedhjes së saj në një nga daljet e fundit publike. Pas një vizite në Irak ajo u rikthye sërish në SHBA dhe menjëherë ra në sy përzgjedhja e veshjes dhe aksesorëve. Ajo kishte vendosur një palë syze dielli në mes të natës dhe kishte veshur një palë pantallona në ngjyrë mishi, që dukeshin sikur në të vërtetë nuk kishte asgjë veshur.
Të gjithë ndjekësit në ‘Twitter’ mbetën të konfuzuar, sepse nuk arrinin të kuptonin nëse kishte veshur diçka poshtë xhaketës apo jo. Menjëherë shumë njerëz filluan të komentonin negativisht dhe të bënin shaka me pamjen e saj. /revistawho.com
