Modelja e njohur, Naomi Campbell është një nga femrat më të bukura që vazhdon t’i rezistojë kohës. Është një nga femrat me më shumë influencë në botë dhe veprimi i saj i fundit ka inspiruar ndjekësit e saj. Së fundmi ajo ka publikuar një foto me flokët e saj të vërtetë dhe është pritur shumë mirë nga të gjithë. Naomi ka kohë që vuan nga humbja e flokëve, por gjatë gjithë kësaj kohe ka përdorur paruke. Sipas saj, ajo po mundohet të kujdeset sa më shumë për flokët në mënyrë që të kompesojë çdo dëmtim që i kanë shkaktuar paruket apo zgjatimet. Fatmirësisht, pas vëmendjes që ajo i ka kushtuar flokëve të saj, ka pasur përmirësime dhe është gati t’i tregojë botës Naomin e vërtetë.
