Bleona Qereti ishte e ftuara speciale për edicionin festiv në emisionin ‘Why Not’ të Roza Latit. Këngëtarja shqiptare është shumë e lirshme në çdo intervistë dhe nuk ngurron të ndajë gjithçka me publikun.
E pyetur në lidhje me aspektin sentimental, ajo ka thënë se i mungon koha kur i vardiseshin në Shqipëri, sepse në Amerikë nuk ekzistojnë ngacmimet. Bleona i ka dhënë edhe një mesazh djalit të ëndrrave të saj, për të mësuar se si duhet ta trajtojë. “Nëse ti dëshiron që unë të jem engjëll, atëherë më krijo parajsën, sepse engjëjt nuk jetojnë në ferr”, – ka thënë këngëtarja. Ajo ka ndarë me teleshikuesit edhe një histori shumë gazmore nga një periudhë në të cilën Bleona këndonte në koncerte të ndryshme me artistët shqiptarë. Bleona ka rrëfyer se organizatorët e koncerteve shpesh nuk bënin pagesat dhe njëherë ajo ishte mbyllur në tualet duke aktruar si e sëmurë për të marrë lekët që i takonin. Ajo ka thënë se pasi merrte paratë e saj, ndihmonte edhe kolegët e tjerë. Epo të gjithë do ta donim një mike si Bleona në të tilla raste. /revistawho.com
