Revistawho.com sjell çdo javë receta të ndryshme gatimi nga shefi i njohur i kuzhinës, Renato Mekolli. Njihuni me dy recetat e radhës.
Supë me patate
Lëng pule
300 gr patate
100 gr presh
2 thelpinj hudhre
2 limonë
1 qepë
1 qepë e njomë
1 lugë kos
1 lugë gjalpë
3 lugë vaj tartufi
100 ml vaj ulliri
1 arrë moskat
Kripë
Piper
Pastrojmë e qërojmë, patatet, preshtë, qepët, hudhrat dhe patatet i presim në kube, ndërsa qepët dhe hudhrat i grijmë hollë. Në tenxheren ku kemi hedhur vajin e ullirit shtojmë qepët, preshtë, hudhrat dhe i kaurdisim, sa pa mërrë ngjyrë hedhim edhe patatet. Vazhdojmë t’i skuqim edhe për pak minuta. Në fund shtojmë lëngun e pulës, kripën, piperin, arrën moskat, vajin e tartufit dhe e ziejmë për 45 minuta. E kalojmë në multi, ku shtojmë edhe lëngun e limonëve.
Biskota
300 gr miell i bardhë
150 gr gjalpë
100 gr sheqer
1 vezë
1 lugë kafeje fryrës për ëmbëlsira
Pak kripë
Lëkura e një limoni
1 bishtajë vanilje
Fillimisht rrahim vezën me sheqerin në mikser, më pas shtojmë gjalpin duke vazhduar rrahjen bashkë me vaniljen dhe lëkurën e limonit. Shtojmë fryrës për ëmbëlsira, miellin, kripën dhe vazhdojmë përziejmë brumin për 3 minuta. E lëmë brumin të pushojë dhe më pas i japim formën që dëshirojmë. Duhet bërë kujdes me format që të mos jenë shumë të trasha, pasi kjo sjell probleme gjatë pjekies. Po ashtu duhet kujdes edhe në hapësirën mes biskotave në tave, duhet të jenë 3-4 cm larg njëra-tjetrës. I pjekim biskotat në 160 gradë për 10 minuta./revistawho.com
