Kënga ‘Bon Bon’ ishte çelësi i artë për Era Istrefin, pasi i krijoi shumë mundësi për të vazhduar karrierën e saj jashtë kufijve shqiptarë dhe deri tani ja ka dalë mbanë më së miri. Mirëpo fansat e saj kanë kohë që presin një bashkëpunim me motrën e saj, Nora Istrefin dhe mesa duket, erdhi momenti i shumëpritur. Era është shprehur në një intervistë për ‘Telegraf’ se do sjellë atë çfarë fansat kanë pritur me kohë, një këngë shqip me motrën e saj, Norën. Ajo ka thënë se ky do të jetë projekti i rradhës, por do të ketë dhe shumë bashkëpunime të tjera. Suksesi i saj i fundit ishte kënga e botërorit me emra të njohur si Will Smith dhe Nicky Jam, e ndersa tani presim me padurim projektet e rradhës.
