Për shkak të problemeve shëndetësore, Adele është shkëputur disa herë nga tregu muzikor. Asaj i është dashur të bëjë disa herë ndërhyrje kirurgjikale në kordat e zërit dhe këto e kanë penguar për të qenë pranë fansave. Prej 5 muajsh ajo ishte shkëputur edhe nga rrjetet sociale dhe thuajse nuk dihej asgjë për jetën e saj. Por ditën e sotme ajo është rikthyer e transformuar teksa imiton legjendën, June Carter Cash. Këngëtarja shfaqet e veshur me një fustan bojëqielli dhe flokë gështenjë, ndërsa në duar mban një instrument muzikor.
Rikthimi i Adele është pritur mjaft mirë nga fansat e saj, të cilët nëpërmjet komenteve nuk kanë nguruar t’i shprehin admirimin./revistawho.com
