Chris Pratt dhe Anna Faris kanë qenë një ndër çiftet më të pëlqyera të ‘Hollywood-it’, por i thyen zemrën të gjithëve në momentin kur deklaruan se janë duke u divorcuar. Menjëherë pas divorcit, të dy vazhduan jetën e tyre duke krijuar lidhje të tjera. Aktori Chris Pratt sapo shpalli fejesën me Katherine Schwarzenegger dhe ish bashkëshortja e tij, Anna, ka reaguar menjëherë sapo ka dëgjuar këto lajme. Ajo komentoi në fotografinë në ‘Instagram’ duke thënë se ishte shumë e lumtur për të dy, por përpara kësaj, Chris dhe Anna kishin biseduar së bashku. Në programin e saj ‘Unqualified’ ajo u shpreh: “I dashuri Chris, ish bashkëshorti im, u fejua sot me Katherine dhe jam shumë e lumtur për të dy. E dija që kjo do të ndodhte, e dua shumë atë dhe Katherine. Jam shumë e lumtur që gjetën njëri-tjetrin”. Edhe pse Anna dhe Chris tashmë janë të ndarë, ato vazhdojnë të kenë një marrëdhënie të mrekullueshme dhe kjo ndoshta për shkak të djalit të tyre./revistawho.com
