PEDOFILIA/Nënat rrezikojnë fëmijët e tyre duke i publikuar fotot, policia në alarm

I keni parasysh ato njoftimet që na vijnë tek mesazhet private të “Facebook” duke na kërkuar të shpërndajmë diçka në murin tonë. Pikërisht një prej këtyrë rasteve ka çuar në ndërhyrjen e “Policisë Postare”. Shumë nëna kanë shpërndarë ‘zinxhir’ tre foto të fëmijëve të tyre dhe kjo ka bërë që muri i rrjetit më të madh social në botë të mbushet me foto të të vegjëlve. Siç raporton “TGCOM” përmes një ndërhyrjeje të policisë është kërkuar eliminimi i tyre pasi kjo sjell një sërë rreziqesh. Nga një postim i një nëne krenare për fëmijët e saj, mund të kthehet në një cënim serioz. Këtyre nënave iu është dërguar nga një mesazh nga policia ku veç të tjerash shkruhej: Nëse fëmijët tuaj janë gjëja më e shtrenjtë që keni në botë, mos i shpërndani fotot e tyre në internet. Duhet të keni respekt për të drejtën e tyre të zgjedhjes kur të jenë maxhorenë, se cila pjesë e jetës private duhet të shpërndahet ‘online’. Nëse kjo nuk ju mjafton, merrni në konsideratë se më shumë se gjysma e fotove në ‘ëeb-et’ pedopornografike (faqe interneti për pedofilët) vijnë pikërisht nga pozat që shpërndani ju. Më tej në mesazhin e policisë shënohej se një numër alarmant denoncimesh për vjedhje të fotove janë bërë kohët e fundit. Ndaj nëna kujdes, krenarinë tuaj ndajeni me njerëzit e afërt, pa e bërë pjesë të një bote ku nuk mund të keni kontroll.