Të gjithë e dimë që të ngrënit fruta dhe perime çdo ditë është esenciale për të jetuar shëndetshëm. Shumë dietologë sugjerojnë që gjatë një dite të konsumojmë 5 deri në 7 porcione frutash dhe perimesh. Për këtë arsye, një pjesë e mirë e njerëzve bashkojnë disa lloje frutash bashkë duke menduar se kjo është një mënyrë e shëndetshme e të ngrënit. Në fakt nuk është kështu.
Sipas ‘Times of India’ kur konsumoni sallatë frutash, trupi konfuzohet sepse i duhet të përballet me përbërës dhe vlera ushqyese të ndryshme në të njëjtën kohë. Në këtë mënyrë një pjesë e vlerave ushqyese zhduken, pasi trupi nuk i përthith dot.
Sipas dietologes Priyanka Rohatgi, konsumi i një fruti është shumë herë më i vlefshëm për trupin, madje është zgjedhja perfekte për ta konsumuar mes vakteve. Ajo shton më tej se frutat duhen konsumuar me lëkurë./revistawho.com
