Mbrëmjen e kësaj të hëne Lori Hoxha ka vendosur ta kalojë pranë njerëzve të saj më të afërt dhe ndjekësve të ‘Instagram-it’. Bashkë më motrën e saj, Sarën dhe një mikeshë ato kanë vendosur të shikojnë një film dhe t’u përgjigjen çdo kurioziteti të fansave të tyre. Dikush e ka pyetur Lorin të tregojë se cila është femra më e bukur shqiptare sipas saj, për të cilën ajo është edhe pak “xheloze”. Lori nuk e ka anashkaluar këtë pyetje, por ka zgjedhur të tregohet e drejtpërdrejtë. Ajo ka treguar se për të ish-missi shqiptar, Suada Sherifi, është femra më e bukur shqiptare.
Suada nuk ka nguruar ta publikojë menjëherë përgjigjen e Lorit në ‘Instagram’ dhe krahas saj ka shkruar: “Të dua”. Sigurisht që Suada është pjesë e vajzave më të bukura shqiptare, por ky kompliment i bërë nga Lori Hoxha merr një tjetër vlerë. /revistawho.com
