Chris Brown është akuzuar për përdhunim nga një grua në Paris dhe policia e ka arrestuar këngëtarin ndërkohë që janë duke hetuar ngjarjen, ka konfirmuar ‘Associated Press’ më 22 janar.
Identiteti i gruas që ka bërë këto akuza kundër Chris nuk është konfirmuar, por ajo tha se takoi Chris dhe miqtë e tij në Klubin e Parisit, ‘Le Crystal’, më 16 janar.
Pas mbrëmjes, ajo tha se ata u kthyen në Hotelin ‘Mandarin Oriental’ në qendër të Parisit, sipas burimeve që ka bërë me dije policia.
Chris u arrestua zyrtarisht më 21 janar, dhe që prej asaj dite ai vazhdon të mbahet në arrest, ndërsa hetimi vazhdon.
Këngëtari ka një histori të gjatë të problemeve ligjore, duke përfshirë sulmin e tij të vitit 2009 të Rihannës përpara çmimeve Grammy të atij viti. Në vitin 2015 ai u arrestua në shtëpinë e tij të ‘L.A’ pasi një grua, Baylee Curran, thirri policinë dhe e akuzoi Chris për kërcënim me armë.
Ai u lirua pasi pagoi shumën prej 250,000 dollarësh. Më pas, këngëtari u arrestua përsëri në korrik të 2018 për një urdhër të jashtëzakonshëm të krimeve të lojërave të fatit, por u lirua përfundimisht me një pagesë prej 2,000 dollarësh./revistawho.com
