Egzona Ademi është një nga emrat e rinj të showbiz-it shqiptar dhe një nga këngëtaret më të talentuara. Ajo ka marrë pjesë para shumë vitesh në ‘X Factor’ dhe që prej asaj kohe, e kemi parë shpesh herë në ‘Kënga Magjike’. Ditën sotme, nëpërmjet një postimi në ‘Instagram’, Egzona ka zbuluar se ka humbur personin më të shtrenjtë të zemrës, nënën e saj. Nëse shihni në profilin e saj, do të kuptoni se këngëtarja ka pasur gjithmonë një marrëdhënie shumë të ngushtë me nënën dhe gjithmonë i është drejtuar si shoqja më e ngushtë. Egzona ka publikuar një foto të nënës kur ka qenë në moshë të re dhe i është drejtuar me disa fjalë prekëse. “Shpirt i shpirtit tim….e shtrenjta ime…më ke tharë shpirtin nënë e mira nënë…o zog….o lule….o shoqja ime e ngushtë…o beba ime….o melaqe ….o faqet e mia….o prehëri im…o shtëpia ime…lamtumirë o zemër…po më del zemra nga kraharori o nanuki im….pse o zemër…pse….të përulem përfundimisht…ma bëj hallall o zëri i zemrës time”. Kujtojmë që para 4 vitesh këngëtarja e talentuar ka kaluar një tjetër periudhë të vështirë, pasi ka humbur babain e saj. Redaksia e ‘RevistaWho.Com’ i shpreh Egzonës ngushëllimet më të përzemërta./revistawho.com
https://www.instagram.com/p/Bs-OWUcHsY4/
