Bloggerja Estela Ujka i ka dhuruar pak kohë nga dita e saj ndjekësve të shumtë në ‘Instagram’. Teksa i përgjigjej pyetjeve të tyre për modën, trendet apo jetën familjare, ra në sy edhe një pyetje disi ndryshe. “Do dëshiroje ti vet të dhuroje diçka nga veshjet e tua për të gëzuar një vajzë në nevojë?”,- e pyet një nga ndjekësit. “Ne bloggeret bëjmë ‘Giveaway’, por nuk janë për njerëzit në nevojë. Për njerëzit në nevojë duhet t’ia kërkojmë shtetit ndihmën jo bloggereve. Më duket hipokrizi t’i dhuroj një veshje dikujt që nuk ka të ardhura”,-u përgjigj Estela.
Me të drejtë, bloggerja e ka vendosur theksin tek nevojat shumë më të mëdha për të cilat kanë nevojë njerëzit në vështirësi. Për ta duhet shumë më tepër angazhim dhe lëvizje institucionale që të marrin zgjidhje afatgjata. Estela ka qenë së fundmi në fokus të mediave për rrëfimin frymëzues të përballjes me një tumor që ndau me të gjithë në ‘Lart e poshtë’ disa ditë më herët./revistawho.com
