Në 16-vjetorin e “USA Gala” në Los Angeles, çifti Liam Hemsworth dhe Miley Cyrus u shfaqën për herë të parë si të martuar. Aktori autralian 29-vjeçar u pa teksa ecte mbi tapetin e kuq me partneren e tij që shndërriste e tëra. Ajo kishte veshur një fustan të zi, me dekoltenë e hapur dhe kishte vendosur shumë bizhuteri.
Dyshja i dhanë fund beqarisë në një ceremoni sekrete të mbajtur në 23 dhjetor. Pas 10 vitesh dashuri ata i thanë “Po” njëri-tjetrit dhe duket se më i lumturi për martesën është Liam. I pyetur nga gazetarët se si ndihet pas martesës ai u shpreh se po e adhuron këtë jetë.
“Nuk më duket shumë ndryshe, por nga ana tjetër sigurisht që ka ndryshime. Është e mrekullueshme. Po e adhuroj”, tregoi aktori.
Liam dhe Miley janë takuar së bashku në xhirimet e filmit “Last song” në vitin 2009./revistawho.com
