Bieta Sulon e njohim si gazetare të suksesshme, por shumë më herët ajo paska aktruar. Shumë pak mund ta kenë vënë re që vajza e vogël me bishtaleca në filmin ‘Djali Elastik’ ka qenë Bieta. ‘Tirana Post’ ka kontaktuar me moderatoren e njohur për të konfirmuar këtë lajm dhe ajo e ka pohuar. “Poo, jam unë 5 vjeç. Madje kam pasur edhe oferta të tjera pas këtij filmi, por nuk më lanë prindërit se ishte lodhje për një fëmijë”,-ka thënë ajo.
Filmi në fjalë është xhiruar në 1989-ën dhe ka në qendër historinë e një djali që ëndërron të luajë në cirk. Bieta luan rolin e motrës së djalit protagonist. Krah tyre luan edhe aktori i mirënjohur Ilia Shyti në rolin e gjyshit që e inkurajon nipin të arrijë ëndrrën e tij./revistawho.com
