Emina Cunmulaj është një nga personazhet e njohur e ekranit, e cila njihet për natyrën e saj pa komplekse dhe të vërtetë. Bukuroshja shqiptare ka treguar se pavarësisht gjendjes shumë të mirë ekonomike dhe luksit ku jeton thjeshtësia është primare për të.
Ajo ka hequr dorë prej disa kohësh nga karriera e saj, për t’u përqendruar tek familja dhe herë pas here publikon në rrjetet sociale momente nga jeta e përditshme. Ndryshe nga shumë vajza të tjera, modelja nuk e ka aspak problem që në fotot dhe videot që publikon të dalë pa ‘makeup’ apo edhe me flokë të shkujdesur. Së fundmi Emina ka publikuar në ‘Instagram’ një video ku tregon pa asnjë efekt fytyrën e saj dhe zbulon problemet me aknet. Nëna e dy vajzave ka disa akne në zona të ndryshme të fytyrës, të cilat i janë shkaktuar nga stresi.
Kjo nuk është hera e parë që Emina habit me thjeshtësinë e saj. Edhe kur modeles i dolën thinjat e para ajo e tregoi pa asnjë problem këtë gjë.
