Leila Kraja është ndër prezantueset sportive më simpatike. Ditën e sotme Lei ishte e ftuara e radhës në emisionin ‘Rudina’, ku rrëfeu shumëçka për jetën e saj dhe mbi të gjitha për rikthimin në Shqipëri për të ndjekur ëndrrën e saj. Moderatorja e njohur ka lindur në Kaliforni dhe 1 vit më parë u rikthye në Shqipëri dhe nisi punën në ‘Digitalb’.
Ajo ka treguar se gjatë jeta e saj ka ndryshuar totalisht gjatë këtij viti. Lei ka rrëfyer se më parë vinte në Shqipëri për qejf dhe largohej, sepse nuk kishte çfarë të bënte. “Unë isha për qejf në Shqipëri dhe mendoja të qëndroja më gjatë. Por nëse nuk ke një angazhim nuk ke se ç’bën. Shoku im Ervin Kurti njihte ata të ‘Digitalb’, aty kishte dhe një hapësirë dhe kështu u gjenda në televizion”, – tha Lei. Ajo ka treguar më tej se në fillim e ka pasur të vështirë të mësojë gjuhën shqipe, megjithatë ja doli mbanë falë ndihmës së kolegëve të saj. Lei e nisi karrierën e saj si moderatore sportive dhe mendon që të vazhdojë akoma punën në këtë fushë. /revistawho.com
