Shpesh herë gjendemi në situata të sikletshme heshtjeje. Nëse jeni duke biseduar me dikë që doni të bëni për vete, atëherë duhet të ndiqni disa këshilla mbi çështjet e bisedave. Duhet të dini të bëni pyetjet e duhura si dhe të jepni përgjigjet e duhura dhe për këtë ju vjen në ndihmë ‘Bright Side’. Në listën më poshtë, do të zbuloni disa nga mënyrat më efikase për të nisur një bisedë miqësore, pa pyetje të çuditshme.
- Diskutoni për gjerat që ju rrethojnë
Kjo është një mënyrë efikase për të filluar një bisedë interesante. Ne bazë të ambientit ku ndodheni, mund të nisni biseda të ndryshme mbi çështje të ndryshme.
- Bëni që personi të ndihet rehat pranë jush
Tregoni gjithmonë interes për personin që keni pranë. Bëni pyetje rreth tij në mënyrë që ta njihni sa më mirë dhe ta bëni të ndihet rehat.
- Kushtojini vëmendje gjërave të vogla
Ndoshta mund t’ju duket e çuditshme, por ndonjëherë gjërat e vogla kanë më shumë rëndësi. Nëse tregoni interes në gjëra të vogla, atëherë do transmetoni energji pozitive te personi me të cilin jeni duke biseduar.
- Përdorni gjithmonë humor
Humori i bën njerëzit të lidhen më shumë me njëri-tjetrin. Gjithsesi, tregohuni të kujdesshëm në gjërat që thoni, pasi nuk do të donit të ndodh ndonjë këqkuptim.
- Tregoni interes për evente të ndryshme, apo këngë të reja
Pyesni për diçka që së fundmi është bërë shumë e famshme. Një film, këngë apo event. Gjithashtu, qëndroni larg temave të politikës. Shumë njerëz, ndjejnë një lidhje nëpërmjet këtyre gjërave./revistawho.com
