Pak minuta më parë reperi, Capital T ka publikuar në ‘Instagram-in’ e tij një foto ku shfaqet së bashku me dy artistët e njohur, Alban Skënderaj dhe Ylli Limani. Në përshkrimi e fotos këngëtari ka vendosur disa nota muzikore gjë që ka ngritur dyshime se treshja mund të vijë me një bashkëpunim. Ata kanë preferuar të mos tregojnë asnjë detaj tjetër lidhur me këtë, por fansat menjëherë kanë nisur të aludojnë. Ata shprehen mjaft të lumtur për këtë bashkëpunim dhe janë të sigurtë që kënga do të kthehet në hit.
Ndoshta idenë e projektit e ka pasur Capital T, pasi reperi ka bashkëpunuar më herët me të dy këngëtarët. Shtatë vite më parë ai ka punuar me Ylli Limanin për këngën “Unë”. Ndërsa në vitin 2013 solli për publikun hitin “Një ëndërr” me Alban Skënderajn.
