“Dolce&Gabbana” dhe “Louis Vuitton” janë dy ndër markat e veshjeve më të njohura në botë. Me printet dhe dizajnët e tyre, këto firma prestigjioze kanë sjellë risi në fushën e modës. Ato shpesh janë vënë kundër njëra-tjetrës dhe gjithmonë janë munduar të mos kenë asgjë të përafërt në koleksionet e tyre.
Por pavarësisht se përpiqen të mos kopjojnë, faqja e famshme e ‘Instagram-it’ “Diet Prada” ka zbuluar se “Dolce&Gabbana” në koleksionin e fundit ka kopjuar veshjet e 18 viteve më parë të “Louis Vuitton”. Bëhet fjalë për printet e leopardit që kanë të shkruara sipër fjalë në ngjyrë rozë. Këtë dizajno “Louis Vuitton” e ka përdorur në koleksionin e “Pranverë 2001”.
https://www.instagram.com/p/BtY4sjqlE7J/
Me sa duket gabimet nga “Dolce&Gabbana” nuk kanë fund, pasi pak muaj më parë kompania u përfshi në një skandal në Kinë. Popullsia kineze u ndje e ofenduar pas disa fjalëve të dizajnerëve dhe dogjën të gjitha rrobat që i përkisnin kësaj firme./revistawho.com
