Ndodh rrallë që moderatorja e njohur Rudina Magjistari të japë intervista apo të mësojmë diçka nga jeta e saj private, përveç herëve kur ajo shkëmben disa nga eksperiencat e saj me të ftuarit.
Kështu ka ndodhur dhe pasditen e sotme në programin e saj. Gjatë bashkëbisedimit me moderatoren Jona Spahiu, Rudina ka ndarë një detaj rreth rritjes së Mia-s.
“Unë nuk kam pasur kurrë dado. Domethënë, kam pasur një zonjë që kujdesej për shtëpinë dhe ndonjëherë ja lija asaj vajzën për ndonjë shëtitje maksimumi, por kaq. Unë dhe bashkëshorti im e kemi rritur vetë vajzën, vetëm unë dhe ai. Kemi qenë të dy prezentë, ne në punë dhe ajo në punë me ne. Kam dashur të jetë sociale, të mësohet me njerëzit, me realitetin dhe me botën”, tha Rudina.
Moderatorja e dashur për publikun ka folur shumë rrallë për vajzën e saj dhe për jetën familjare, por siç duket përballë një nëne të re ajo ka gjetur rastin të shprehë diçka më tepër duke shuar sadopak kureshtjen e ndjekësve të saj./revistawo.com
