Meghan e thjeshtë si askush tjetër, kujdeset vetë për pamjen e jashtme dhe gatuan rregullisht për princin Harry

Si dukeshë e familjes mbretërore, Meghan Markle ka mundësinë të ketë gjithçka gati nga njerëz të tjerë. Megjithatë duket se ajo preferon të kujdeset vetë për çdo gjë, duke filluar nga pamja e saj e jashtme dhe deri tek punët e zakonshme të shtëpisë, kryesisht gatimin. Disa nga miqtë më të afërt të Meghan kanë zbuluar disa detaje nga mënyra e jetesës së dukeshës për revistën ‘People’. “Unë isha me të muajin e kaluar dhe ajo kishte një angazhim publik. Harry dhe unë po qëndronim me qentë dhe po bisedonim, ndërkohë që ajo lyente thonjtë. Përveç dasmës, Meghan kujdeset vetë për grimin. Vishet vetë dhe gjithçka e bën vetë”, – ka thënë një mike e saj. Ajo ka shtuar se Meghan e di shumë mirë se njerëzit mund të mendojnë se ka një ushtri njerëzish nga mbrapa që kujdesen për të, por realiteti është shumë më ndryshe. Në fakt Meghan Markle ka treguar në shumë raste se është shumë e thjeshtë dhe se jeta si dukeshë nuk e ka ndryshuar aspak. /revistawho.com