Në jo pak raste Rita Ora ka shkaktuar reagime të shumta me veshjet e saj apo stilin e veçantë. Ajo di gjithmonë si të tërheqë vëmendjen, por edhe të japë mesazhe të forta për emancipimin e shoqërisë. Ditën e sotme në festën e të dashuruarve, Rita zgjodhi të uronte me fotografinë e një çifti homoseksualësh. Këngëtarja ka publikuar në ‘Instagram’ disa fotografi, në të cilat shihet se ka veshur një bluzë në të cilën ka stampuar një çift gay duke u puthur në buzë.
Sigurisht që veshja e saj ka fituar vëmendjen e të gjithëve, por Rita e zgjodhi për të treguar se dashuria është e bukur në çfarëdolloj forme. “Sot puth njeriun që do. Gëzuar ‘Ditën e Shën Valentinit’”, – ka shkruar ajo. Këngëtarja me origjinë shqiptare ka dalë shpeshherë në mbrojtje të komunitetit LGBT dhe madje ka treguar se dhe vetë është biseksuale. /revistawho.com
