Çifti i njohur i aktorëve shqiptarë e pranojnë hapur: Aq shumë zihemi sa na shikojnë fqinjët shtrembër

Aktorët e njohur shqiptarë, Ervin Bejleri dhe Ola Harizaj, nisën historinë e tyre të dashurisë në spektaklin e humorit ‘Portokalli’. Aty morën famën, por mbi të gjitha fituan zemrën e njëri-tjetrit. Kanë kaluar shumë vite nga dita kur janë njohur, megjithatë vazhdojnë të duhen po njësoj. Nuk kanë pasur rastin të flasin shpesh për jetën e tyre private, por mbrëmjen e djeshme kanë zbuluar detaje të shumta në emisionin ‘Soiree’. Dy aktorët kanë rrëfyer se si lindi dashuria e tyre si dy kolegë dhe si shkon sot marrëdhënia. Ndryshe nga ndonjë çift tjetër që mund ta ketë problem të tregojë për zënkat, Ola e ka pranuar hapur se ata të dy zihen shumë. “Aq shumë zihemi sa na shikojnë fqinjët në pallat shtrembër. Zihemi dhe për gjërat më të vogla”, – ka thënë aktorja. Megjithatë ajo ka treguar se Ervini është dashuria më e madhe për të, pavarësisht se nuk mundet të gjejë një arsye se për çfarë e dashuron. Kujtojmë se Ervin Bejleri dhe Ola Harizaj u bënë shumë të njohur në ‘Portokalli’ me rolin e Vinit dhe të Silvës. /revistawho.com