Shpat Kasapi zbulon lidhjen: Do të fejohem së shpejti

Shpat Kasapi është përfolur shumë për jetën e tij private, por mesa duket këngëtari ka gjetur dashurinë e jetës. Ai ka qenë i ftuar në emisionin ‘Mirage’, ku ka zbuluar detaje të shumta në lidhje me profesionin dhe jetën e tij. Këngëtari ka rrëfyer se është në një lidhje, që shumë shpejt pritet ta bëjë zyrtare. Shpati ka thënë se partnerja e tij është nga Kosova dhe për këtë arsye takohen më rrallë me njëri-tjetrin. “Shpati është në një lidhje që do ta zyrtarizoj shumë shpejt. Është koha se bëra 33 vjeç. Do të ketë fejesë. Ajo është në Kosovë unë jam në Shkup, po kontaktojmë falë zotit kemi ‘Whatsapp-in’”, – ka thënë këngëtari. Shpati ka premtuar se kur të zyrtarizojë lidhjen do të shfaqet përkrah partneres. Në fakt kjo është një surprizë për të gjithë fansat e tij, duke qenë se këngëtari kohët e fundit është treguar shumë i rezervuar përsa i përket jetës sentimentale. /revistawho.com