Viti 2019 ka qenë një vit shumë i suksesshëm për reperin shqiptar, Gashi. Ai ka sjellë shumë bashkëpunime me emra të njohur që e kanë bërë të ngjitet në skena të mëdha nëpër botë. Megjithatë, reperi ka bërë një rrugëtim të gjatë derisa ka arritur këtë sukses. Në vitin 2012 ai themeloi grupin e tij të parë me emrin ‘Moxy’ dhe po atë vit, publikoi shumë këngë të tjera që u pritën mirë nga publiku. Kënga ‘Karma’ erdhi në vitin 2015 me Adelina Ismailin dhe ishte hera e parë që këngëtari bënte bashkëpunim me një këngëtare shqiptare. “Priteni.. i vetmi bashkëpunim shqiptar që do të shihni. Shijojeni pasi nuk do të ndodhë më kurrë”, ka shkruajtur Gashi përpara se të publikonte këngën me Adelinën. Siç mund ta kuptoni dhe vetë, reperi nuk e ka mbajtur premtimin e bërë kohë më parë, pasi vetëm para pak ditësh solli këngën ‘That’s Mine’, në bashkëpunim me Ledri Vulën./revistawho.com
