Pak ditë më parë u zbulua se Katy Perry dhe Orlando Bloom janë fejuar. Unaza e këngëtares në formën e një luleje tërhoqi vëmendjen e të gjithëve, por duket se ajo është shumë e ngjashme me unazën e ish-bashkëshortes së Bloom, Miranda Kerr.
Aktori i propozoi modeles në vitin 2010 me një unazë, e cila kishte në qendër një gur të çmuar rrethuar me disa diamante të vegjël. Ndërkohë edhe unaza e Katy ka një gur në ngjyrë rozë dhe 8 diamante me një rreth në ngjyrë floriri.
Mesa duket gjatë këtyre viteve shijet e Orlandos nuk kanë ndryshuar, madje ai nuk është menduar dy herë për të zgjedhur një tjetër model unaze për partneren e tij të re. Megjithatë duhet thënë se ai ka shpenzuar një shumë marramendëse parash për unazën, duke qenë se mendohet se vetëm guri në ngjyrë rozë kushton 5 milionë dollarë. /revistawho.com
