Ditën e sotme, ‘Just Jared’ konfirmoi se Lady Gaga dhe i fejuari i saj prej dy vitesh, Christian Carino janë ndarë. Aludimet e ndarjes së tyre filluan që në momentin kur këngëtarja u shfaq vetëm në tapetin e kuq dhe pa unazën e saj gjigande. Gaga dhe Carino kanë bërë shumë paraqitje publike së bashku dhe shpesh herë kanë publikuar foto intime në ‘Instagram’. Nuk kanë munguar as dedikime romantike gjatë deklarateve, gjë që i ka bërë ato të kthehen në një nga çiftet më të pëlqyera për publikun, por mesa duket, gjithçka ka marrë fund. Arsyeja e ndarjes nuk është bërë ende e ditur, pasi nuk ka pasur asnjë reagim nga çifti, kështu që jemi ende në pritje të detajeve të reja. Kujtojmë që Lady Gaga gjithashtu ka qenë e fejuar me aktorin Taylor Kinney, por u ndanë pas 5 vitesh lidhje./revistawho.com
