Pak ditë më parë Meghan Markle udhëtoi drejt New York-ut për të organizuar një festë për ardhjen në jetë të fëmijës së saj të parë. Dukesha mblodhi mikeshat e saj më të mira si: Serena Williams, Misha Nonoo, Jessica Mulroney, Abigail Spencer, dhe Priyanka Chopra. Ashtu siç mund ta kishit imagjinuar festa ka kushtuar me mijëra dollarë dhe shuma që është paguar është vërtet marramendëse.
“Vanity Fair” ka zbuluar se ‘baby shower-i’ i Meghan ka kushtuar plot 200 mijë dollarë. Pavarësisht se shumë persona e kanë kritikuar Meghan për shpenzimet, është mësuar se gjithçka e kanë paguar mikeshat e saj. Sipas “Vanity Fair” Serena Williams ka shpenzuar 75 mijë dollarë për suitën e hotelit, në të cilën mikeshat festuan së bashku. Festa e ardhjes në jetë të fëmijës së Meghan deri më tani cilësohet si një ndër më të shtrenjtat dhe sigurisht edhe më luksozet. Kujtojmë se dukesha pritet të bëhet nënë për dy muaj, duke sjellë kështu në jetë edhe fëmijën e parë të Princit Harry. /revistawho.com
