Dy moderatoret simpatike, Luana dhe Marina Vjollca kanë treguar pak ditë më parë se këtë periudhë kanë zgjedhur të pushojnë me familjen e tyre në alpet e Austrisë. Ato kanë publikuar herë pas here momente të ndryshme gjatë këtyre ditëve nën shoqërinë e më të dashurve të tyre.
Mirëpo nëse të gjithë menduan se këto ishin pushimet dimërore të motrave Vjollca, atëherë duhet t’i tregojmë dhe “arratisjen” e fundit të tyre për të kuptuar më shumë. Duke ndryshuar totalisht vendin dhe motin, Luana ka publikuar një video në ‘Instagram’, ku tregon se tani ndodhen pranë detit për të shijuar vendet prrallore.
‘Nga bora në det’, ka shkruar moderatorja, duke treguar për ndjekësit e saj destinacionin më të fundit të tyre. Nuk dihet ende nëse ky tur i pushimeve të tyre do të vazhdojë, megjithatë mund të themi se këto ditë relaksuese do i dëshironin që të gjithë./revistawho.com
