Çfarë po ndodh me Victoria Beckam?! Krijuesja e famshme e njohur veçanërisht për stilin me taka të larta është shfaqur në fund të sfilatës së saj vjeshtë-dimër 2016-2017 në New York e veshur me atletet e famshme të adidas “Stan Smith”. Në një intervistë për gazetën “The Telegraph” ajo tha se nuk i pëlqejnë më takat, pavarësisht punës së saj”. “Thjesht unë nuk mundem më të vesh taka, aq më tepër në kushtet kur jam duke udhëtuar gjithë kohës. Veshjet duhet jenë të thjeshta dhe të rehatshme”, ka pohuar ajo. Ky është një ndryshim radikal duke menduar se ish-vokalistja e grupit “Spice Girls” ka më shumë se 20 vjet që shquhet për takat e larta dhe konforti nuk duket se ka qenë prioritar në veshjet e saj, në fund të fundit si të gjithë fashionistet. A thua të jetë prej moshës e gjitha kjo? Apo ndoshta dëshira për t’iu afruar stilit të krijueses Phoebe Philo, drejtuese artistike e Céline… Kjo paraqitje e saj e re duket se përfaqëson më së miri personalitetin e saj. “Mendoj se njerëzit kanë njohur atë që unë jam në të vërtetë kur unë kam dalë e veshur më një palë pantallona burrash, një golf dhe këpucë të sheshta. Zbuloni evolucionin e saj ndër vite me fotot më sipër.
