Përveçse është një këngëtare shumë e suksesshme, Eni Koçi njihet dhe për stilin e saj të veçantë. Ajo ndan herë pas here foto të ndryshme në ‘Instagram’ nga përditshmëria e saj, pushimet ose koncertet.
Nëse do t’i hidhnit një sy ‘Instagram-it’ të këngëtares do të vinit re se ajo preferon shumë kostumet. Eni i ka veshur shpesh në ngjyra të ndryshme si jeshile, bojëqielli, të kuqe apo të bardhë. Ky trend i kostumeve ka qenë ndër stilet më të veshura përgjatë vitit që lamë pas dhe këtij viti.
Kujtojmë se e para këngëtare me origjinë shqiptare, e cila e solli si trend është Dua Lipa, në videoklipin e këngës ‘IDGF’. Siç duket kostumet do të “pushtojnë” pranverën e 2019-ës, prandaj zgjidhni ngjyrën e preferuar, kombinojini me atlete ose taka sipas rastit dhe bëhuni gati për të kthyer të gjithë vëmendjen nga vetja./revistawho.com
