A e keni menduar ndonjëherë se si dukeshin moderatoret Ilda Bejleri dhe Elona Duro shumë vite më parë? Gazetari i njohur, Ervin Kurti ka shuar kuriozitetin e të gjithëve me një video të publikuar disa orë më parë, ku shfaqen dy moderatoret e njohura. Ato kanë realizuar një spot publicitar së bashku në vitin 2002.
Në video shihen dy bukuroshet duke u relaksuar në pishinë, ku personazhi ‘Gishto’ i njofton për listat e zgjedhësve.
Ajo çfarë arrijmë të dallojmë është ndryshimi i stilit të tyre, por dhe vetullat e holla të cilat kanë qenë trend në vitin 2002. Të dyja moderatoret shfaqen me një ‘makeup’ të thjeshtë, duke ju përshtatur dhe ambientit në të cilin shfaqen.
“Dalja ime e parë në ekran, 17 vite më parë, kur xhirohej një reklamë”, ka shkruar në postimin e saj Elona.
Pavarësisht se kanë kaluar kaq shumë vite, vajzat vazhdojnë të jenë pjesë e ekranit dhe të dyja pjesë e së njëjtën platformë televizive, atë të ‘Digitalb’./revistawho.com
