Pak ditë më parë Bebe Rexha publikoi këngën e saj më të fundit “Last Hurrah”, në të cilën ajo shfaqej në disa momente shumë provokuese. Babai i saj, Flamur Rexha nuk e priti aspak mirë videoklipin e Bebe dhe për këtë arsye e ka kritikuar fort. “Më mirë ndalo së publikuari këto budallallëqe pornografie, sepse po më sëmur. Nuk mundem ta duroj më turpin në publik. Jam shumë i mërzitur me ty, nuk mundem ta besoj”, – lexohet në një bisedë mes saj dhe të atit, që Bebe publikoi në rrjete sociale.
Menjëherë pas kësaj fansat e këngëtares i janë hedhur në “sulm” babait të saj, duke e kryqëzuar për mendimet e tij. Pavarësisht se Bebe ka gjetur mbështetjen e të gjithëve, ajo u ka kërkuar fansave të ndalojnë së kritikuari babain e saj. “Mos flisni budallallëqe për babain tim. Babai im më do mua”, – ka thënë këngëtarja. Ajo ka treguar për ‘TMZ’ se po udhëton drejt New York-ut për të folur me babain, me të cilin ka 2 javë që nuk flet. Gjithashtu Bebe e ka pranuar se videoja e saj ka kaluar përtej normave. /revistawho.com
