Jona Spahiu ka hapur prej muajsh një kanal në ‘Youtube’, që mban emrin e saj. Siç edhe është shprehur, me anë të videove që do publikojë do tregojë për jetën e saj, gjëra që kurrë më parë nuk kishte menduar se do i thoshte publikisht.
Video e parë që moderatorja publikoi i dedikohej periudhës së shtatzënisë, përjetimeve të saj dhe gjithçkaje tjetër. Vetëm pak orë më parë, Jona publikoi videon e radhës, këtë herë me një tjetër synim, të motivojë të gjithë ata që kanë një ëndërr dhe duan ta ndjekin atë.
Moderatorja foli për eksperiencën televizive, e cila duhet thënë është e gjatë dhe goxha e larmishme. Jona rrëfeu në mënyrë të përmbledhur, gjithçka kishte kaluar, sidomos vështirësitë që ka hasur gjatë karrierës në televizion. Bukuroshja e ekrant tregoi se nisi shumë herët si modele duke bërë disa punë të vogla dhe më pas u bë prezantuese e një emisioni tërësisht të sajin në moshën 17-vjeçare.
“Atëherë kur unë mendoja se sa isha bërë një çik personazh, që njerëzit më njihnin dhe kisha kapur qiellin gjithçka ndryshoi. Ishte e çuditshme, unë provoja gjëra të tjera në vende të ndryshme, konkuroja dhe deri në moment të fundit dukej sikur çdo gjë ishte mirë, pastaj prishej”,-u shpreh Jona. Më tej ajo rrëfen për gjithë stresin që ka përjetuar në atë periudhë, kur ju shtua edhe dhimbja e madhe për humbjen e babait të saj.
“Nëse mendoni se e keqja kaloi me tentativat e dështuara nga unë, sapo kishte filluar, gjithçkaje ju vendos kapaku kur im atë u largua nga jeta. Nuk e kuptoja pse çdo gjë e keqe më ndodhte mua dhe ajo periudhë ka qenë e tmerrshme në shumë aspekte”,-tregon më tej Jona.
Moderatorja vazhdon rrëfimin me mënyrën si ndryshuan gjërat më vonë, kur ofertat për punë erdhën papritur dhe ajo ndihej e lumtur. Në këtë moment, Spahiu kujton përballjen me personazhet, që deri në atë moment i kishte parë nga ekrani, ata që i dukeshin të paarritshëm dhe pranon se gjatë eksperiencës në një televizion të madh kombëtar shqiptar ajo është përbuzur dhe ‘injoruar’ nga ata që ishin ‘figura të adhurura’ televizive.
Në fund të videos, Jona përmbledh me pak fjalë të gjithë mesazhin që fsheh çdo eksperincë që ka pasur, çdo mësim që ka marrë, për t’ju thënë të rinjve se historia e saj mund të jetë një as nën mëngë për ta. / revistawho.com
