Java e modës në Paris është një nga eventet më të rëndësishme dhe sigurisht nuk mund të mungonte prezenca e Armina Mevlanit. Gjithsesi, ky nuk ishte evenimenti i vetëm më emocionues për të. Ditën e djeshme, ajo publikoi disa pamje nga vizita e shtëpisë së një prej dizajnuesve më të famshme, Diane von Furstenberg. “Shtëpia e Diane von Furstenberg në Paris”, shkruante mbi një video Armina, ku tregonte disa foto familjare të saj, si dhe sende personale. Në videon tjetër, bloggerja shqiptare zbuloi koleksionin e librave.
Furstenberg është e njohur për dizajnimin e fustaneve me lidhje në mes dhe kompania e saj e modës është prezente në 70 shtete. Për këdo që është i dashuruar me modën si Armina Mevlani, kjo eksperiencë do ishte diçka e bukur dhe e veçantë. Kujtojmë që momentalisht Armina është angazhuar në një biznes në bashkëpunim me Jonida Maliqin, ku sjellin ekskluzivisht veshje të firmave të ndryshme në Tiranë./revistawho.com
