Alketa Vejsiu finalizoi mbrëmjen që shkoi një tjetër puntatë të ‘Në kurthin e Piter Pan’. Moderatorja nuk nguron asnjëherë të transmetojë mesazhe të vlefshme për familjet që e ndjekin duke theksuar se më e mira që mund të bëjnë është edukimi në mënyrën e duhur të fëmijëve. Mbrëmjen e kësaj të hëne, Alketa vuri sërish theksin tek libri dhe fakti që fëmijët duhet të lexojnë sa më shumë dhe për këtë duhet t’i ndihmojnë prindërit.
Moderatorja ka zbuluar para pak minutash se këtë mesazh fillimisht e mbështet ajo dhe pret që të gjthë prindërit të bëjnë të njëjtën gjë. Me anë të një fotoje ku shfaqen disa libra të ndryshëm, Alketa rrëfen pak për momentet e veçanta pranë fëmijëve, me të cilët mbyll ditën.
“Duke lexuar me fëmijët. Në vazhdim të mesazhit tek ‘Në kurthin e Piter Pan”,-shkroi ajo.
Kujtojmë se Alketa është nënë e dy fëmijëve, një djali dhe një vajze të cilët nuk janë të njohur për publikun, pasi vetë moderatorja nuk dëshiron t’i bëjë pjesë të jetës publike./revistawho.com
