Para pak kohësh u publikua ‘trailer-i’ i filmit të shumëpritur i Ermal Mamaqit dhe Elvana Gjatës, me titullin ‘2 Gisht Mjaltë’. Edhe pse u zbuluan vetëm disa skena, filmi pati shumë reagime pozitive nga publiku. Për arsye të ndryshme, data e publikimit të tij është shtyrë disa herë, por mesa duket produksioni e ka vendosur më në fund. “Nga 28 mars në të gjitha kinematë në Shqipëri, Kosovë dhe Maqedoni”, shkruan Elvana Gjata në postimin e fundit në ‘Instagram’. Filmi ka mbledhur shumë aktorë të njohur të Shqipërisë dhe Kosovës dhe ndoshta, kjo është një nga arsyet pse të gjithë po e presin të emocionuar. Kujtojmë që ky është projekti i parë ku Elvana shfaqet si aktore, pas spotit në bashkëpunim me Ermal Mamaqin, ‘Një darkë romantike’./revistawho.com
https://www.instagram.com/p/Buth115hNCp/?utm_source=ig_share_sheet&igshid=z79nxpy6f7l9
