Kylie Jenner mund ta falë Jordyn Woods, por vetëm me një kusht

Skandali i tradhëtisë së Jordyn Woods me Tristan Thompson, ish partnerin e Khloe Kardashian, ka kohë që është bërë publik, por që prej asaj kohe çdo lëvizje e tyre është parë dhe analizuar me kujdes. ‘TMZ’ raportoi para pak kohësh se Kylie Jenner dhe Jordyn pothuajse nuk kanë folur fare dhe Jordyn ende nuk ka marrë veshjet e saj nga shtëpia e Kylie-t. Megjithatë, sipas ‘ET’, Kylie mund ta falë Jordyn, por e gjitha varet nga zgjedhja e Khloe. “Kylie është ende duke menduar nëse Jordyn ka vend në jetën e saj dhe e gjithë arsyeja është sepse Kylie do të respektojë motrën e saj. Khloe ka qenë e irrituar dhe nuk ka dashur ta shohë më kurrë në jetën e saj Jordyn, por si një person që di të falë, ajo po mundohet të kuptojë nëse mund të vazhdojë jetën dhe ta lërë pas krahve tradhëtinë e dikujt që e quante kaq të afërt”, është shprehur një burim. Në fund të ditës, e ardhmja e shoqërisë së Kylie dhe Jordyn lidhet me lumturinë e Khloe dhe për këtë, Kylie ende nuk mund të vendosë./revistawho.com