Mbretëresha Elizabeth hoqi dorezat për të bërë postimin e parë në ‘Instagram’

Mbretëresha Elizabeth hapi një llogari ‘Instagram-i’ dhe ditën e sotme bëri postimin e saj të parë. Ajo ishte e veshur e gjitha me një kostum në ngjyrë portokalli, mbuluar me perla dhe e kishte kombinuar atë me një palë doreza të zeza. Nga imazhet e kapura, mbretëresha duket se e ka bërë postimin e saj nëpërmjet një ‘iPad’. “Sot, teksa vizitova Muzeun e Shkencës, zbulova një letër nga Arkivi Mbretëror, i shkruar në vitin 1843 për stërgjyshin tim princ Albert. Charles Babbage, i vlerësuar si pionieri i parë i kompjuterit në botë, nga i cili Princi Albert kishte mundësinë të shihte një prototip të tij në korrik 1843. Në letrën, Babbage i thotë mbretëreshës Victoria dhe Princit Albert për shpikjen e tij mbi të cilën programet e para kompjuterike u krijuan nga Ada Lovelace, vajza e Lord Byron. Sot, kam pasur kënaqësinë të mësoj për iniciativat e kodimit kompjuterik të fëmijëve dhe mua më duket e përshtatshme që të publikoj këtë post në Instagram, nga Muzeu i Shkencës i cili ka mbrojtur shumë teknologjinë, inovacionin dhe frymëzimin e gjeneratës së ardhshme të shpikësve.
Elizabeth R”, shkruan ajo.
Mesazhi, i cili u nda nga Mbretëresha për 4,6 milionë ndjekësit e llogarisë së saj @TheRoyalFamily, përfshinte pamjet e një letre nga Arkivi Mbretëror që i ishte shkruar Princit Albert./revistawho.com