Këngëtarja e famshme, Tuna vendosi të prezantonte albumin e saj më të fundit i cili përmbante 7 këngë të reja, mbrëmjen e kaluar në një koncert të mbajtur në Shkup.
Pas publikimit të tij ditën e djeshme, Sejdiu ka zgjedhur që sot me anë të një postimi në ‘Instagram’, të tregojë mirënjohjen për të gjithë ata që punuan për këtë projekt të këngëtares. Veç kësaj ajo ka ndarë dhe disa nga emocionet që ka ndjerë përballë gjithë të ftuarve që ishin pjesë e koncertit të djeshëm.
“Ju faleminderit të gjithëve që ishit në Filharmoninë e Shkupit. Është e papërshkrueshme ajo që përjetova mbrëmë gjatë koncertit, gjatë duartrokitjeve, gjatë takimit me ju derisa dëgjoja përshtypjet tuaja. Mbrëmë ju ishit fortuna dhe kjo fortunë më jep mbështetjen kolosale që të vazhdoj edhe më fuqishëm. Ju dua”, shkroi Tuna bashkangjitur me videon, e cila përmbante disa pjesë nga nata e djeshme.
Mesa duket Sejdiu është ndjerë shumë e lumtur për projektin e suksesshëm që e solli pranë publikut dhe mbështetjen që ata i kanë treguar si çdo herë./revistawho.com
