Mbrëmjen e djeshme, Angelina Jolie u shfaq përkrah 4 fëmijëve të saj në premierën e filmit “Dumbo”. Përveçse dukej shumë bukur pranë fëmijëve, të gjithëve u ra në sy fustani i saj dhe në veçanti disa tatuazhe në shpinë. Duke qenë se fustani ishte i hapur në pjesën e pasme, si rrallëherë Angelina zbuloi tatuazhet e saj, të cilët mbartin kuptime të veçanta.
Afër shpatullës së majtë, aktorja ka të gdhendura disa fjalë magjike të besimit budist, të cilat ja ka dedikuar djalit të saj Maddox. Në qendër të shpinës ka një tempull Budist, për t’i kujtuar se duhet të ketë mëshirë për veten dhe të tjerët. Në këtë pjesë të trupit, Angelina ka bërë edhe një tatuazh që përfaqëson 4 kontinente dhe 4 elementët e jetës: toka, ajri, uji dhe zjarri. Ndërsa në shpatullën e djathë ajo ka një mantër budiste, që mendohet se sjell fat dhe pasuri.
Kohët e fundit kemi parë se Angelina ka shpenzuar shumë kohë me fëmijët e saj, duke qëndruar sa më larg problemeve me Brad Pitt. /revistawho.com
