Pak orë më parë, ‘revistawho.com’ solli një artikull mbi angazhimet milaneze të blogger-es së njohur Armina Mevlani, të cilën ky fund shkurti e ka gjetur ne kryeqytetin e modës… Por, përveçse “Milano Fashion Week”, 27 shkurti përfaqëson në jetën e vajzës bukuroshe një datë tjetër të rëndësishme. I dashuri i saj i zemrës, Shkëlzen Berisha, ka lindur pikërisht në këtë datë dhe për të qenë pranë gjysmës së tij ka zgjedhur që edhe ai të shkojë në Milano. Në këto kushte, vajza e famshme e ekraneve ka braktisur të gjitha sfilatat e tjera ku do të merrte pjesë, për t’ia kushtuar të gjithë pasditen mashkullit të saj. Megjithatë gjatë ditës së sotme, Armina mori pjesë në sfilatën e “Cavalli”-t, ku pati mundësinë të njihej me drejtorin kreativ, Peter Dundas…
Nga ana tjetër Shkëlzeni ka pasur një ditë të mbushur me urime në rrjetet sociale, nga miq e dashamirës, të cilave u bashkohemi dhe ne.
