Pak kohë pas skandalit të tradhëtisë, Jordyn Woods theu heshtjen e saj me një foto në ‘Instagram’, ku zbuloi modelin e ri të flokëve. Këtë foto, kompania e flokëve “Bellami Hair” ka vendosur ta përdorë si ‘meme’ dhe ta publikojë në profilin e saj, duke i bërë reklamë produkteve të tyre ‘extensions’. Në foto shkruante: “Kur Kylie Jenner nuk paguan më për jetën tënde dhe as për ‘extensions’ e tu”. Kjo gjë nuk i ka pëlqyer aspak fansave. Ato kanë reaguar menjëherë në ‘Twitter’ duke thënë se kjo nuk është aspak diçka profesionale nga ana e tyre. “Publikojnë vetëm femra të bardha dhe sapo bëhet fjalë për dikë me ngjyrë, ato e shajnë”, ka shkruar dikush tjetër. Mirëpo të gjitha këto kritika ndikonin negativisht në kompaninë e tyre, kështu që “Bellami Hair” ka kërkuar falje publikisht për ‘shakanë pa kripë’. “Për shkak të theksit mbi paruket apo ‘extensions’ përfshirja e fjalëve ‘flokë të këqija’, ishte një zgjedhje dobët dhe shumë sensitive. Kjo është një frazë subjektive dhe kurrë nuk donim të fyenim dikë nëse zgjedh të mos përdorë produktet tona. Pavarësisht kësaj faljeje, është diçka e papranueshme dhe ne e dimë, por do mundohemi ta rregullojmë. I kërkojmë falje të sinqerta Jordyn dhe të gjithë personave që janë prekur nga fotoja dhe përshkrimi i saj”, kanë shkruar ato në ‘Instagram’. Jordyn nuk ka reaguar as në momentin kur kompania publikoi ‘memen’ dhe as në momentin kur ato kërkuan falje./revistawho.com
https://www.instagram.com/p/BuxEEfsnNEw/
https://www.instagram.com/p/Bu6hvOQgnGr/
