Reagon sërish vajza e Michael Jackson: Nuk është përgjegjësi e imja të mbroj tim atë

Pas publikimit të dokumentarit “Leaving Neverland”, ku disa persona dëshmojnë publikisht kundër Michael Jackson, vajza e tij, Paris, nuk ka preferuar të flasë shumë në lidhje me këtë çështje. Ajo i ka mbajtur të gjitha opinionet e saj për vete dhe së fundmi ka thënë se nuk është punë e saj të mbrojë të atin. “Nuk ka asgjë që mund të them, që nuk është thënë në lidhje me mbrojtjen. Kushëriri im, Taj Jackson po bën punën më të mirë dhe unë e mbështes atë”, – ka shkruar Paris në “Twitter”. Më tej ajo ka shpjeguar përse nuk është përgjegjësi e saj të mbrojë yllin e “pop-it”. “Ky nuk është roli im. Thjesht dua të qetësohen të gjithë dhe të shkojnë me rrjedhën. Tregohuni të butë dhe mendoni për figurën e madhe. Kjo jam unë”, – shkruan modelja në llogarinë e saj. Një ditë më pas ajo ka treguar se po e mbron të atin në mënyrën e saj. “Leaving Neverland” përmes disa dëshmive tronditëse zbulon publikisht abuzimet seksuale të Michael Jackson me djem të moshave të moshave të ndryshme. /revistawho.com