Pas ndarjes nga Tristan, Khloe Kardashian e gatshme të “luftojë” për kujdestarinë e vajzës

Pas ndarjes nga Tristan Thompson, vajza e saj, True, ka qenë shqetësimi më i madh për Khloe Kardashian. Ajo ka treguar se është e gatshme të bëjë gjithçka që vogëlushja e saj të rritet e lumtur, si çdo fëmijë tjetër. Së fundmi është mësuar se Khloe mundet të luftojë që të fitojë e vetme kujdestarinë e fëmijës ndaj Tristan. “Khloe është në kontakt të vazhdueshëm më avokatin e familjes për t’u siguruar se nuk do ta humbasë asnjëherë kujdestarinë e True. Ndërsa ajo është financiarisht mirë, po diskuton me avokatin edhe për mbështetjen e fëmijës dhe do të sigurohet që ajo do të mbulojë gjithçka”, – kanë thënë burime të brendshme të familjes Kardashian për “Hollywood Life”. Megjithatë Khloe dëshiron që Tristan të vazhdojë të mbajë plotësisht rolin e tij si baba i vajzës. E gjithë kjo vjen pasi mediat zbuluan se basketbollisti kishte tradhtuar yllin e “Keeping Up With the Kardashians” me një nga miket më të ngushta të familjes. /revistawho.com