Një javë më parë Jonida Maliqi publikoi videoklipin zyrtar të këngës “Ktheju Tokës”, me të cilën Shqipëria do të prezantohet këtë vit në ‘Eurovision’. Kënga dhe klipi në përgjithësi është pritur mirë dhe një pjesë e njerëzve e kanë cilësuar si një vepër e mirëfilltë arti. Megjithatë ashtu siç e ka pranuar edhe vetë Jonida ka pasur edhe kontestime nga disa të tjerë, por puna është që është bërë me videoklipin hedh poshtë çdo dyshim. Së fundmi Jonida ka publikuar në ‘Instagram’ një video, në të cilën shfaqen disa pjesë të shkëputura nga prapaskenat e xhirimit të klipit. Siç shihet, për të ka punuar një staf i madh për orë të tëra, madje deri në mbrëmje vonë. Megjithatë pavarësisht lodhjes, Jonida duket e lumtur që ka mbështetjen e të gjithëve dhe që stafi i saj është shumë energjik.
https://www.instagram.com/p/BvIOHLunvhp/
Ashtu siç edhe këngëtarja premtoi kur u shpall fituese e ‘Festivali të Këngës’, duket se po jep maksikumin e saj që performanca e Shqipërisë në ‘Euriovision’ të jetë në standardet më të larta dhe dinjitoze. /revistawho.com
