Gjatë kohës që emisionet e tyre transmetoheshin në të njëjtën fashë orare, Luana Vjollca dhe Ermal Mamaqi “ngacmoheshin” shpesh me njëri-tjetrin në rrjete sociale për raportet e audiencës. Pas përfundimit të “Shiko kush luan” u duk se gjendja mes dy moderatorëve u qetësua, por tashmë ata i janë rikthyer sërish zakonit të vjetër. Luana ka publikuar në ‘Instagram’ një foto të saj nga dita e djeshme dhe ka pyetur: “Si ishte e diela juaj?”. Ermali ka lënë një koment në foton e moderatores, që i ka bërë të gjithë të qeshin. “Mirë çka…edhe ne mbahemi. Rrofsh që pyet. Si ishte rrejta?”, – ka shkruar Ermali. “Të ka marr malli të gricesh me mua?”, – i është kthyer Luana duke kujtuar kohët kur të dy “konkurronin” për audiencë.
Gjithçka mes dy moderatorëve mbetet në kuadrin e shakasë, sepse ata të dy kanë treguar se ruajnë raporte shumë të mira miqësore me njëri-tjetrin. /revistawho.com
