Emocione të shumta tek “E diela shqiptare”, ja përse ishte i ftuar Alban Skënderaj

Tek rubrika ‘Ka një mesazh për ty’ një vajzë donte të surprizonte motrën e saj vetëm 13-vjeç, e cila ishte me sindromën down, duke ftuar këngëtarin e saj të preferuar, Alban Skënderaj. Selma dhe motra e saj kanë kaluar një jetë me vuajtje pasi kanë humbur babain e tyre shumë të vogla dhe më vonë u zbulua që Selma vuante nga sindroma down. Ajo çka dëshironte motra e saj ishte që Selma t’i përkushtohej më shumë shkollës, pasi ishte e dhënë pas Ipadit dhe recetave të kuzhinës. Sigurisht që Selma nuk pranoi, por kur pa Albanin ajo u emocionua aq shumë sa i dha ipadin dhe bllokun e kuzhinës që ta mbante ai për 6 muaj.  Ata kënduan e kërcyen bashkë dhe Albani i premtoi që do të kujdesej si baba për të duke i thënë edhe se: “ Nëse unë jam jeta jote, edhe ti je jeta ime”.