“Pata hatërmbetje me Era Istrefin”, Gent Fatali zbulon çfarë ka ndodhur me këngëtaren

Bashkëpunimi mes Era Istrefit dhe Ledri Vulës, “Shumë Pis”, ka rezultuar mjaft i suksesshëm dhe pavarësisht se kanë kaluar tre vite nga publikimi vazhdon të dëgjohet ende dhe sot. Në fakt shumë pak e dinin se ky bashkëpunim në fillim ishte planifikuar mes Era Istrefit dhe Gent Fatalit. I ftuar ditën e sotme në emisionin “Ëake Up”, reperi ka treguar se çfarë ndodhi që në këngë u shfaq Ledri dhe jo ai. “Në fillim pata hatërmbetje, po ashtu ishte situata që gjerat shkuan në atë drejtim”, – tha Genti. Megjithatë duket se tani marrëdhënia mes tij dhe Erës është shumë korrekte dhe ai ka treguar se shkëmbejnë shpesh mesazhe me njëri-tjetrin. “Unë i gëzohem suksesit të saj dhe ndonjëherë tjetër mund të bëjmë bashkëpunim”, – ka shtuar reperi. Duke qenë se Era është bërë e njohur në mbarë botën, moderatori Isli Islami ka thënë se është shumë e vështirë të bësh një bashkëpunim me të. “Unë besoj në mrekulli”, – ka thënë Genti duke e mbyllur në këtë formë njëherë e mirë këtë çështje. Megjithatë Gent Fatali ka arritur të ndërtojë një karrierë të suksesshme dhe tashmë renditet ndër këngëtarët më të preferuar të brezit të ri. /revistawho.com